افتح قلبك مع البنات هنا

انا مش عارف ابدا منين ولا ازاي

حبيت بنت من النت , اعجبت بشخصيتها و ارتحتلها و حسيت ان احنا لازم نكون لبعض , كان اكبر مشكله ف الموضوع اني متاخر 3 سنين , لاني دبلوم صنايع 5 سنين و ضيعت السنادي لتجربة معينه , يعني 3 سنين , و فاضلي ف كليتي 4 سنين و هيا اصغر مني بسنه , وكان فاضلها علي انهاء تعليمها سنه واحده , بمعني انها اما تكون خلصت هيكون لسه قدامي 3 سنين عشان اكون خلصت تعليمي ,,,, وعدتني انها هتستناني ووعدتها اني هحاول علي قد ماقدر الاقي شغل مع الكلية اقدر اعيش بيه بيتي , والحمد لله مش ناقصني اي حاجه غير الشغلانه بس , قررت اني اشتغل ف وقت الكلية , مع ان دا مستحيل لكن لو كنت هشتغل ف البلديه لكن ماخسرهاش كنت هشتغل , المهم , حصلت شوية مشاكل ف بيتها , وعليها قرر اهلها يجوزوها لاي حد , كنت ف موقف لحد دلوقت مش قادر اوصفه , الحل الوحيد اللي كان قدامي اني اتقدم لها و اكتب كتابي و اعيشها مع اهلي اللي كانو هيعتبروها واحده منهم , لحد ماخلص و اشتغل اي شغلانه , و ساعتها كنت هعملها فرح و دخله و شهر عسل زي اي عروسه ف الدنيا , و نروح شقتنا ,,,, اهلها رفضوا الوضع دا , رغم موافقتها و تصميمها عليه ,,,, و مكنش ف ايدي اي حاجه اعملها غير كدا ,,,,, و باقي القصه بقي ماعتقدش اني هقدر اكمله , تقدرو تخمنوه انتوا ......