للاذكياء فقط, انا قلت فقط

1-مش عارف بس يمكن عشان نقدر من المربع نحصل على اكبر مساحه واكبر محيط في نفس الوقت, يعني كل ماكبرنا في مساحته حتقابل هذه المساحه محيط يوازيها و ده يدي للعيبه مجال اوسع ومحدد في اللعب, بعكس المستطيل مثلا.


2- عشان الصمغ لازم يتعرض للهواء عشان يلزق والانبوبه بتفرغ من الهواء عند التعبئة.


3-هو اجابة السؤال ده بصراحه مش عارفها بس ممكن تكون عشان الجلد لما بيتعرض لاشعة الشمس مده طويل بيتحرق وده الي بيخلي لونه يغمق -زي كده ما بنحمر الفرخه-, اما بالنسبه للشعر فا ممكن تكون اشعه الشمس بتضعف الخصلات الي بتتعرض ليها وده بيأدي الي صعوبة استفادتها من الدم الواصل لها فتفقد لونها.


4- عشان نختار turn off computer ومنها turn off بس على فكره مش لازم نقفله بالطريقه دي ممكن نقفله باكتر من طريقه انا عن نفسي بدوس alt,f4 وبعدين بختار تيرن اوف بس ممكن تقولي ان ال ستارت بنلجأ ليها لانها اسهل طريقه وهي اول طريقه بنتعلمها لقفل الكمبيوتر.


5-ما افتكرش ان الفران ليها طعم خاص عشان يعملو للقطط اكل بطعمها, كلها لحمه, مش بعيد انا اكون كلتها قبل كده عند اي محل بتاع كبده!!


6-عشان اللمون من الحمضيات والحمضيات لما بتتفتح الحمض الي فيها بيمرر الطعم الاساسي للفكهه بعد فتره وده طبعا ماينفعش شركة عصاير تقبله في منتجاتها عشان كده بتلجأ لمكسبات الطعم الي بتدلها الطعم بس منغير الحمض ده, لكن الاحماض دي بتستعمل في مساحيق الغسيل عشان تساعد على تفكيك الدهون والوساخ الي ممكن تكون صعبه انها تطلع بالمياه لوحدها.

اسف طولت عليكو