alexgirls
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

alexgirls

تتحــــــــــــــــــــدى المـــــــــــلل
 
التسجيلالرئيسيةالبوابةأحدث الصوردخول

 

 قول رايك بصراحة

اذهب الى الأسفل 
5 مشترك
كاتب الموضوعرسالة
*~*wessam*~*
Admin
*~*wessam*~*


انثى
عدد الرسائل : 298
المزاج : moody
تاريخ التسجيل : 25/01/2008

قول رايك بصراحة Empty
مُساهمةموضوع: قول رايك بصراحة   قول رايك بصراحة Emptyالأحد أبريل 06, 2008 3:13 am

يا رجالة ايه اكتر حاجة بتكرهوها في الستات؟!؟!؟!؟

يا ستات ايه اكتر حاجة بتكرهوها في الرجالة ؟!؟!؟!؟؟

مستنية ردكوا
الرجوع الى أعلى الصفحة اذهب الى الأسفل
https://alexgirls.ahlamontada.com
*N-RoSe*

*N-RoSe*


انثى
عدد الرسائل : 94
المزاج : NoT BaD
تاريخ التسجيل : 14/03/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالأربعاء أبريل 23, 2008 2:14 am

اكتر حاجة ممكن اكرها فى الرجاله انهم متقلبين اوى وممكن( بعضهم ) مش كلهم خاينين دة من رأي انا
وشكرا ع الموضوع المميز دة
الرجوع الى أعلى الصفحة اذهب الى الأسفل
*~*wessam*~*
Admin
*~*wessam*~*


انثى
عدد الرسائل : 298
المزاج : moody
تاريخ التسجيل : 25/01/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالسبت يوليو 05, 2008 7:44 pm

ميرسى يا نودى على ردك
وانا من رايي ان اكتر حاجة بكرهها فى الرجالة انهم مش مخلصين فى حبهم زى الست وفعلا بعضهم خاينين
الرجوع الى أعلى الصفحة اذهب الى الأسفل
https://alexgirls.ahlamontada.com
~RED FLOWER~
Super Moderator
~RED FLOWER~


انثى
عدد الرسائل : 72
العمر : 32
المزاج : رايق اوي
تاريخ التسجيل : 01/02/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالسبت يوليو 05, 2008 11:12 pm

اكتر حاجه بكرها في الرجالة الغيره الزايدة عن اللازم وحب الامتلاك للست اللي حيرطبيطو بيها
و دة في بعض الرجاله طبعا مش كلهم
ميرسي يا بوسبوس علي التوبيك
الرجوع الى أعلى الصفحة اذهب الى الأسفل
Sir.Hitler

Sir.Hitler


ذكر
عدد الرسائل : 35
العمر : 35
المزاج : مـتـقـاـب
تاريخ التسجيل : 05/07/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالثلاثاء يوليو 08, 2008 12:31 am

لا اله الا الله
مفيش راجل رد خالص
إذا سمحتولي اخوتي الأفاضل أرد علي أرائكم الأول قبل ما اقول رأيي

---------------------

اكتر حاجة ممكن اكرها فى الرجاله انهم متقلبين اوى وممكن( بعضهم ) مش كلهم خاينين دة من رأي انا
---------------------
بالنسبة لموضوع التقلب دا - اتكلم عنه كاتب انجليزي في كتاب رجال من الارض و نساء من المريخ
بيقول فيه بالنسبه للنقطة دي
الراجل مزاجه - سوري ف اللفظ - زي الأستك أو السوسته - يكون مزاجه تمام ف فترة معينه وفجأه ينقلب العكس تماما - الست بتفتكر من اللي حصل دا انه اتغير او فكر ف غيرها اوا اواو مع انه العكس دي طبيعة الرجل و مهمتها كا ست انها متحسسهوش بالتغيير دا لأنه ممكن ينقلب فعلا لتغيير حقيقي مش مؤقت
بالنسبة للست - مزاجها زي المنحني البياني - بتكون كويسه جدا ف تصرفاتها لابعد مدي ف فترة بعدين بيبدا المؤشر ينزل لحد مايكون ف ادني مستوياته - شطارة الراجل هنا انه يحافظ علي المؤشر فوق ويخليه مينزلش باحتوائه واهتمامه بيها ....
----
بالنسبة للخيانة بيكون الطرفين سبب فيها - لاسباب كتير جدا - منها عدم التغيير و الروتين و الملل بسبب وقت فراغ مش عارفين يستغلوه صح - بيبدا كل طرف حسب البيئه المحيطه بيه يشوف اللي ناقصه او الجديد ف شخص تاني و بتبدأ هنا الخيانه بس يمكن تكون اكتر عند الرجل لان مجال تحركه واسع - و مش بنحمل بردوا الراجل عبء الخيانه كله لان الست لو ذكيه مش بتخليه يبص بره بيته حتي لو كان راجل " بصباص " ..
----------------------------------


وانا من رايي ان اكتر حاجة بكرهها فى الرجالة انهم مش مخلصين فى حبهم زى الست وفعلا بعضهم خاينين

----------------------------------

الاخلاص ف الحب يمكن يكون عند الست أكتر لانها بتفكر ف الحب او الحبيب بقلبها بس " معظم الستات كدا " ف بيكون اخلاص كامل , لكن الراجل بيفكر ف الحب بعقله أولا ثم قلبه

----------------------------------


اكتر حاجه بكرها في الرجالة الغيره الزايدة عن اللازم وحب الامتلاك للست اللي حيرطبيطو بيها

----------------------------------

الغيره الزايده شيء طبيعي ف اي راجل بيحب زوجته او حبيبته و كذلك الست - بالنسبه لدور سي السيد او حب الامتلاك دا بيختلف من راجل لراجل - حسب فهمه لمفهوم سي السيد و طريقة استخدام المفهوم دا

----------------------------------

بالنسبة لرأيي ف الستات
عدم احساسها بالمسئولية ناحية راجلها , يعني مش بتخليه بؤرة اهتمامها ف حياتها , مع ان دا شيء لازم يكون متواجد ف اي ست , لكن اعتقد العيب دا متواجد ف ستات دلوقت بس

-----------
---------
-------
-----
---
--
-

جزاكي الله خيرا عالموضوع اخت BoBos @};-
الرجوع الى أعلى الصفحة اذهب الى الأسفل
*~*wessam*~*
Admin
*~*wessam*~*


انثى
عدد الرسائل : 298
المزاج : moody
تاريخ التسجيل : 25/01/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالثلاثاء يوليو 08, 2008 5:26 pm

انا بحترم رايك يا سير هتلر بس انا عندى حاجة عايزة ارد عليها انت قلتها
انت بتقول ان الغيره الزايده شيء طبيعي ف اي راجل بيحب زوجته او حبيبته و كذلك الست - بالنسبه لدور سي السيد او حب الامتلاك دا بيختلف من راجل لراجل - حسب فهمه لمفهوم سي السيد و طريقة استخدام المفهوم دا
ماشى وانا حاقولك ان طبيعى الغيرة بين الرجل وحبيبته او زوجته والست نفس الكلام بس ساعات بتبقى زايدة اوى
لدرجة انها الست مش بتحس ان زوجها مثلا بيخا عليها وبيغير منها لاء دى بتحس ان هو شاكك فيها اصلا
والمفروض ان حب الامتلاك ميبقاش موجود اصلا عشان الراجل بيحسس زوجته مثلا انها زيها زى اى حاجة فى البيت بيمتلكها ودى حاجة مفيش اى ست بتقبلها او بتحبها
بالنسبة بقى رايك انت فانا كنت عايزة برضه ارد عليه
انت بتقول بالنسبة لرأيي ف الستات
عدم احساسها بالمسئولية ناحية راجلها , يعني مش بتخليه بؤرة اهتمامها ف حياتها , مع ان دا شيء لازم يكون متواجد ف اي ست , لكن اعتقد العيب دا متواجد ف ستات دلوقت بس
ودى حاجة مش صح بالعكس الست بتبقى اهم حاجة فى حياتها زوجها مهتمة بيه جداااا وبتبقى اد المسئولية يمكن يكون فيه ستات زى مانت بتقول بس دا نادرا جدااااااا
بس كدا هو دا كان تعليئى معلش طولت عليكوا شوية
الرجوع الى أعلى الصفحة اذهب الى الأسفل
https://alexgirls.ahlamontada.com
**Mado**

**Mado**


ذكر
عدد الرسائل : 26
العمر : 35
المزاج : im free
تاريخ التسجيل : 28/06/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالأربعاء يوليو 09, 2008 1:55 am

بصراحه يا هتلر رايك ممتاز ومش متحيز لطرف على حساب التاني, وعلى فكرة انا قريت الكتاب الي انت ذكرته "رجال من الارض و نساء من المريخ" صحيح انا ماقرأتوش كله بس قريت الحته الي انت اتكلمت عنها.
انا بحييك على رأيك وبضم صوتي ليك
بس انا عندي حاجه تانيه شايف انها بتكون مش حلوه في اي ست
انها بس لو حست انها جميله...
اعوذو بالله منها
بتتغر زياده عن اللزوم وللاسف ده بيكون واضح في كل تصرفاتها, وللاسف بتلاقي الي يشجعها على كده ويزيد من غرورها من شبابنا الحلوين-الرجاله-
وده طبعا بيختلف من بنت للتانيه
انا مش بعمم
بس معظمهم بيبأه كده!!
الرجوع الى أعلى الصفحة اذهب الى الأسفل
*~*wessam*~*
Admin
*~*wessam*~*


انثى
عدد الرسائل : 298
المزاج : moody
تاريخ التسجيل : 25/01/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالأربعاء يوليو 09, 2008 4:38 pm

والله يا مادو هو رايك حلو يعنى فعلا بيبقى فى بنات لما تبقى شايفة نفسها حلوة بتتغر اوىىىى
ودى حاجة بتبقى خنيقة جدا فيهم بس زى مانت قلت فعلا مش كلهم
الرجوع الى أعلى الصفحة اذهب الى الأسفل
https://alexgirls.ahlamontada.com
Sir.Hitler

Sir.Hitler


ذكر
عدد الرسائل : 35
العمر : 35
المزاج : مـتـقـاـب
تاريخ التسجيل : 05/07/2008

قول رايك بصراحة Empty
مُساهمةموضوع: رد: قول رايك بصراحة   قول رايك بصراحة Emptyالأربعاء يوليو 09, 2008 6:47 pm

السلام عليكم و رحمة الله
بالنسبه لردك علي تعليقي يا اخت بوسي : الغيرة اساسها الثقه لو زادت زي ماقلتي بتبقي شك هنا علاقتهم معتقدش انها هتكمل كتير بالطريقة دي ..

بالنسبه لحب الامتلاك دا لو علي كلامك دا ميبقاش لا اسمه حب ولا جواز - دا بيبقي هوا عايش الدور قوي بتاع سي السيد دا و هيا شغاله عنده وقت مايعوزها يلاقيها بس مش العكس - و دا زي ماقلت مش فكل الرجال- دا بيكون ناتج عن نقص ف شخصيته او اسلوب تربيه غلط ...

بالنسبه لردك علي رايي - فعلا نادرين لكن انا اكتر واحد تعبان من العيب دا .......
-------------------

اخويا مادو I love you
هوا فعلا كلامك صح بالنسبه للعيب دا بس لو البنت دي متربيه و متأسسه علي اساس ديني و تربوي صح عمرها ماهتعمل كدا .... و فعلا حتي لو كدا طريقة معامله الرجاله ليها بتحس بغرور ف نفسها , اي بني ادم لما بيحس انه مرغوب فيه بيحس بالغرور , مش لازم قدام الناس ,, حتي لو بينه و بين نفسه .....
--------------------

عيب تاني ف اغلبية بنات دلوقت ,,, التقليد الاعمي لكل حاجه Arrow , اذا كان لبس او افكار او او او ..........

--------------------

اخوكم ف الله : احمد

==
الرجوع الى أعلى الصفحة اذهب الى الأسفل
 
قول رايك بصراحة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
alexgirls :: منتدايات بنات اليكس العامة :: اى خدمة-
انتقل الى: