التوبيك دا قريته فى منتدى وعجبنى اسلوب وجراة اللى كاتبه
اقروه وقولولى رايكوا هوبيقول :
متستغربوش ...... انا فعلا محتاج فيزا لمصر
بصراحه عايز عقد عمل للبلد اللى كل اللى شاغلها موضوع الحضرى
عايز فيزا للبلد اللى اختزلوا واختصروا كل القيم والمبادئ اللى المفروض تطبق فى مصر فى قضية الحضرى
مش مشكله نسبة الحجاب او سب الرسول او الديموقراطيه او الفيلم الهولندى او المياه الملوثه .... المهم القيم والمبادئ فى موضوع الحضرى
عايز فيزا للبلد اللى فيها قنوات السبوبه " الكوره " اللى ليل نهار تضحك على نفسها وعلى الشعب الجميل ده .
عايز فيزا للبلد اللى فيها معدلات النمو 8% حسب ما قال احمد كلين رئيس الوزراء
عايز فيزا للبلد اللى الشعب فيها بيموت على اسوار مخابز مصر المحروسه ولسه بيقولوا اهو احسن من غيره الله اعلم اللى بعده هيكون اذاى
عايز فيزا للبلد اللى بتصرف 2 مليار جنيه سنويا لاستيراد مستحضرات التجميل
عايز فيزا للبلد اللى بتصرف مليار ونص جنيه سنويا من دخولها على المسابقات التليفونيه ودعم المتسابقين فى ستار اكاديمى
عايز فيزا لمصر اللى فيها 80% من الشعب لا يقرأون فى الصحف غير صفحة الرياضه والفن والحوادث
لو حد يعرف يتصرفلى فى فيزا او كفيل يا ريت يقولى
السبت أبريل 05, 2008 1:54 am
